خمسة لصحتك

القولون العصبي مع د. محمد جاد

القولون العصبى
تخيل يادكتور كل ماكل حاجه او اتعصب شويه افضل تعبان كام يوم. الموضوع ده بقاله فترة عندى وكشفت كتير وتعبت اعمل ايه لدرجة انى بخاف اكل واتعقدت اعمل ايييييييييه

طبعا دي شكوي متكررة بنسمعها وبتحصلنا كتير من وقت للتاني ودا لان القولون العصبي منتشر جدااا بيصيب حوالى 20% تقريباً(الخمس) من البشر. وطبعا بيكون فى مرحله المراهقه والشباب، والسيدات والبنات ليهم النصيب الاكبر بيصابوا بالقولون العصبى تلت مرات اكتر من الرجال.

ايه أعراض القولون_العصبي واللى عنده قولون عصبى هيحس باعراض ايه ؟؟؟؟؟

👈اولا القولون العصبى اوقات بينشط واوقات بيهدى ونشاطه مافيش منه خوف من التحول الى اى حاجه وحشه فيما بعد زى الاورام.

في ثلاثة أعراض رئيسية وهي الألم والاسهال والامساك. مش بالضرورة تظهر كل الاعراض في نفس الشخص. ممكن واحد يشتكي من امساك والتاني من اسهال والتالت من الم وانتفاخات او ممكن خليط من الاعراض دي.
ألم في البطن ومغص ممكن يتحسن بعد الحمام.
الإمساك المزمن القولوني.
الإسهال المزمن القولوني.
الانتفاخ والغازات لدرجة انها بتكبر حجم البطن.
الرغبة الكاذبة في الذهاب للحمام.
قرقرة أمعاء (أصوات الغازات والزغولة).
تغير في طبيعة الحمام زي ان البراز بيبقي متقطع.
شعور دائم بالامتلاء وعسر الهضم.
قلق واضطرابات النوم.
احيانا مريض القولون العصبي بيكون بيشتكي كمان من اعراض ارتجاع المرئ.
وتزيد الاعراض دي جدااا في حالة التوتر والقلق والتفكير والضغط النفسي، او لخبطة الاكل.

ايه اللي ممكن يهيج القولون في الناس ال عندها قولون عصبي :
بص ياسيدى اولا مفيش حاجة ثابتة لكل الناس، لانها بتختلف من واحد للتاني، ولكن دي أكثر ما يشكو منه الذين يعانون من القولون العصبي:
الإجهاد النفسي والتوتر والتفكير المستمر والضغوط النفسية والقلق (ودا اهم واحد) .
بعض انواع الاطعمه حسب احدث التوصيات العالمية(FODMAP) ودي هيتم ذكرها في العلاج👇.

تشخيص القولون العصبي:

مفيش فحص أو تحليل أو اشعة يمكن من خلاله التشخيص. لأن التشخيص في الاساس بيعتمد علي الفحص والاعراض ال ذكرتها سابقا.

👈احيانا نحتاج لعمل فحوصات زى تحليل البراز والدم الخفي وتحاليل التهاب القولون وحساسية الطعام. وسونار علي البطن وممكن توصل لعمل منظار قولونى علشان نستبعد الأمراض العضوية الاخرى التي يمكن أن تشبه القولون العصبي.

في عوامل خطورة لو ظهرت مع المريض مينفعش ينتظر ولازم يروح للطبيب المعالج فورا زي:
وجود دم فى البراز.
نقص حاد فى الوزن.
ارتفاع فى درجه الحراره.
الم شديد مبرح غير محتمل.
وجود انيميا واضحه.

علاج القولون العصبي:

اهم نقطه فى العلاج تغيير نمط الحياة والعادات الغذائية الخاطئة وتجنب الأطعمة ال بتهيج القولون. ودا طبعا بناءا علي احدث التوصيات العالمية نظام الفودماف(FODMAP)

الفودماب (Fermentable Oligosaccharides Disaccharides Monosaccharides And Polyols ) هي اطعمه محتويه علي الكربوهيدرات التي يصعب علي الأمعاء امتصاصها حيث اثبتت الابحاث ان هناك علاقه قويه بين هذه الاطعمه ومشاكل القولون والجهاز الهضمي ( الغازات – الانتفاخ- الم البطن – الاسهال – الامساك) حيث يقلل تناولها أعراض القولون العصبي بنسبه ٨٦٪؜ في بعض المرضي ولذلك ينصح بالتقليل منها لمرضي القولون العصبي زي:
منتجات الالبان والحليب والايس كريم.
منتجات القمح والشعير مثل الخبز والبسكويت والمقرمشات.
الخضروات مثل البصل والثوم والقرنبيط.
بعض انواع الفاكهه مثل التفاح والكمثرى والبطيخ.
المكسرات مثل الفستق والكاجو.

تناول وجبات منتظمة، ومتوازنة، خفيفه ماتملاش بطنك يعنى تاكل ٤ او ٥ مرات يوميا
تجنب الأطعمة الغنية بالدهون والمسبكات والمحمرات
تناول كمية كافية من الماء والسوائل.
المداومة على الرياضة فهي تشد العضلات وتحافظ على الوزن وتضبط إيقاع القولون (المشي لمدة نصف ساعة أو عمل تمارين للبطن والظهر مما يساعد على إخراج الغازات.
تجنب الاجهاد الذهني والضغط النفسي والتوتر والارق مهم جدا جدا في العلاج. وغالبا بتكون هي سبب ان المريض بينتكس ويرجع يتعب تاني بعد ما بيخف. لذلك احيانا يجب وصف بعض المهدئات للتخفيف من الضغط النفسي والتوتر والارق.

العلاج الدوائي مهم جدااا ودا طبعا بيعتمد علي التشخيص الصحيح وعلاج السبب. مع علاج الاعراض سواء التقلصات، الاتنفاخات، الامساك او الاسهال.
في ادوية جديدة (probiotics) ودي ادوية بتحافظ علي البكتريا النافعة في القولون وبتحسن الانتفاخات والاسهال.

دمتم بخير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى