Uncategorized

حساسية الصدر عند الأطفال مع د. محمد جاد

👈أولا لازم نعرف أن حساسية الصدر عند الأطفال 👶دي مرض مزمن ودي معناها إلتهاب (مزمن) في الشعب الهوائية 🫁
وبتكون الشعب الهوائية حساسه زيادة شويتين مع بعض المثيرات وغالبا بتلازم الطفل لعمر من 6 الي 8 👧👦سنوات.
معظم اللي بيتعالجوا صح👌 بيتحسنوا عند 8 سنوات
طيب تعالى بقا اعرفك ازاى بنشخص حساسية الصدر🩺 !
القصه غالبا بتبدأ
دكتور ،، ابنى يا دكتور ،، ابنى 😞
-ماله يا ماما ماله🧐🤔
كل شتا ،، وبالليل بالذات ،، تمسكه كحه متنيمهوش للصبح 😭😭
-وبتعملي إيه ؟
بوديه للدكتور يديه المضاد ولبوس موسع الشعب بيقعد يومين ويتحسن 😥
-طب وانتي زعلانة ليه؟
عشان مكملش اسبوع الا وتعب تاني😥
— ومحدش شخصها حساسية صدر🤔!
لأ ، كلهم بيقولولي نزلات برد بتتكرر وبس! حساسية إيه كفى الله الشر! تف من بقك 😏
شوفى بأه ،،
١. لو الكحة دى بتزيد بالليل🌃 أو لما تصحى من النوم أو مع اللعب والضحك والعياط والمجهود ،،
٢.ولو معاها نهجان🥵 (مش قادرة تاخد نفسها)
٣.أو تزييق صدر😮‍💨( صوت صفارة آخر النفس)
شايفه لو ٢ من التلاته دول👆 لاحظتيهم على بنوتّك في دور البرد يبقى ده مش دور برد حضرّتك📌🧐
دى حساسية ! بشرط واحد 👌
اللي هوا إيه 😥
–التكرار ، مهما كان السن✋ ، حتى لو من سن شهر ، مهما كان المدة✋ – وان كانت غالباً فوق الأسبوع-!
-دلوقتى بقينا بنشخصها ✍️بالكحة🤧 والتكرار بس ! ميش لازم التاريخ العائلى في الحساسية وان كان موجود ده بيزود احتمالية الحساسيه 👌.
— انا معاكي ان الحساسية ليها عامل وراثى مهم جداً👨‍👩‍👧‍👦 !! بس الأبحاث بتقول ان ٢٠٪ من حالات الحساسية ملقوش حد في العيلة عندة حساسية من اى نوع❗ وبالتالى الأهم فعلاً 👈الكحة والتكرار!✅

  • بس انا بنتى بتتحسن جامد على لبوس المينوفيلين💊 والميكوفلين و ابر الكورتيزون و الايرونيل💉 !
    — تمام ، انتى كده اكدتيلي ان عندها حساسية لان من شروطها ال Reversibility 🔁( بتتحسن مع موسوعات الشعب) ،، يعنى لو مش بتتحسن على موسعات الشعب نفكر في تشخيص تاني زى استنشاق جسم غريب 😤(سادد الشعب الهوائية وعامل صوت تزييق ونهجان وكحة) ، أو تمدد القصبات , الارتجاع GERD ، حساسية الأنف👃 المصاحبة لحساسية الصدر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى