ثقافة وفنونقصص وحكاياتمنوعات وتريندات

الدواء فيه سم قاتل ولا أخلاق دلوقت؟

الدواء فيه سم قاتل ولا أخلاق دلوقت

(حياه او موت ) فيلم من افلام الزمن الجميل يامه اتفرجنا عليه واتريقنا على مقوله (إلى احمد ابراهيم القاطن بدير النحاس الدواء فيه سم قاتل)

بس محدش دقق فى احداث الفيلم من المنظور الأخلاقى

فى اول الفيلم هاتجد الطفله الصغيره وهيه بتجرى وبتحاول توفر الدواء لوالدها المريض وكلنا اتعاطفنا معاها (ماقالتش انا لسه صغيره ومالجأتش لحد كبير من الجيران) برضه هاتلاقى اخلاق الناس فى الزمن دا بكل طبقاته

مثلا هاتلاقى الراجل اللى راكب العجله لما اخد البنت يوصلها للمترو اللى بيروح العتبه(مافكرش يتحرش بيها ولايخطفها)

هاتشوف الكمسرى اللى صفر لسواق الترام عشان يسرع لما البت قالتله انها مستعجله تروح العتبه عشان تجيب دوا لباباها( ماسخرش منها ولا طنش)

هاتلاقى كمان الدكتور صاحب الصيدليه اللى مادققش مع البت واتنازل عن قرش من تمن الدوا لما لقى البنت فلوسها ماتكفيش تمن العلاج (ماقلهاش روحى كملى فلوسك الاول)

هاتشوف كمان الراجل اللى ساعد البنت لما ازازه الدوا وقعت واتكسرت ودخل الخماره وجاب ازازه فاضيه وحطلها فيها الدوا( كان ممكن يقول وانا مالى)

كمان موقف الناس اللى راحت جرى عالبنت لما صرخت لما الراجل السكران خطف منها ازازه الدوا كان مفكرها خمره كل الناس اتلمت على صرختها بشهامه يشوفو فى ايه ماكنش فى( لامبالاه)

عنيك هاتدمع لما تشوف دور جميل اوى من الشرطه لما اتعاونت مع الإزاعه وعملو اعلان ينقذو بيه احمد ابراهيم (ماقالوش فى ورانا شغل أهم وبلاش شوشره)

حتى فى نهايه الفيلم

البنت بتشكر المأمور يوسف وهبى وتقوله شكرا ياشاويش والراجل ضحك ومازعقش ولا قالها( انا مش شاويش )

كلها اخلاق زمان اللى كبرنا واتربينا عليها فعلا أخلاق الزمن الجميل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى