قصص وحكاياتمنوعات وتريندات

مصائب قوم عند قوم فوائد

مصائب قوم عند قوم فوائد

مصائب قوم عند قوم فوائد البداية معنا حين وقف المخرج حسن الإمام وهو يشرح لبطلى فيلم (حب من نار) وهما البطلين شكرى سرحان ويوسف فخر الدين إزاى ها يمثلو مشهد الخناقه كما يجب ان تكون وازاى لازم المشهد يبان انه خناقه حقيقية عشان يبقى المشهد صادق

البطلين هنا أكدو للمخرج انهم هايعملو الخناقه كما يجب ان تكون

وبالفعل اول ما المخرج نطق بكلمه أكشن وعينك ماتشوف الا النور جه عم شكرى سرحان خدته الجلاله وحب يجود من عنده خد المسكين يوسف فخر الدين مقص حراميه جابه عالأرض ومش يسكت بقى لاااا قام رفع يوسف فخر الدين فى الهوا متر ونص وهوب دبل كليك ونزل بيه ارضا

هنا المخرج نطق استوب وراح على شكرى سرحان جرى يهنيه على براعه المشهد لكن لما راحو يبصو على يوسف فخر الدين لاقوه مش حاطط منطق مش هنا خالص ونفسه بدأ يروح واحده واحده ودخل فى حاله اغماء جرو يجيبو كولونيا ونشادر لكن بدون فايده

جرى واحد من الواقفين يشوف دكتور

هنا كل العيون راحت لشكرى سرحان انه هو اللى أذاه وهو مش قادر يبص فى عين حد ولا قادر يستوعب الموقف وانه قتل صاحبه وهايدخل السجن ومش بعيد يلبس إعدام

ومابين كل الافكار الغامقه دى وقع من طوله هو كمان

بعدها فاق بيفتح عينه لقى ان يوسف فخر الدين هو اللى بيفوقه مع الدكتور اللى قاله احمد ربنا انت كنت بتموت وقلبك كان هايقف من الخضه

الناس كلهم اللى حاضرين فرحو اوى ان الاتنين فاقو وبخير

لكن حسن الامام قرر يعاقب شكرى سرحان بانه لازم يعزم الموجودين كلهم على الغدا وكان عددهم أكتر من 60 فرد

وكلهم طلبو كباب وكفته ماهى فرصه بقى

وبعد ماالكل أكل ونسفو الأكل راحو ليوسف فخر الدين وقالوله

يا أستاذ يوسف عايزين واقعه من دى كل يوم الله يسترك ….

مصائب قوم عند قوم فوائد برومو فيلم حب من نار
الفنان الراحل شكري سرحان بطل الفيلم

الفنان يوسف فخر الدين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى