المرأة والطفلثقافة وفنونقصص وحكاياتمنوعات وتريندات

القبر الذى اختفى 38 عاما

القبر الذى اختفى 38 عاما

قبر ناهد شريف هو القبر الذى اختفى 38 عاما

اسمها الحقيقى (سميحه محمد زكى)

اتولدت فى أسره ميسوره الحال لكن لم يدم الوضع طويلا فجأه الأمور كلها اتقلبت

وبدأت المشاكل تتوالى

اول حاجه هيه انها وأختها اتصابو بشلل الأطفال ولما خفت وقامت من التعب دا وفكرت ان الدنيا رجعت تضحكلها من تانى ماتت والدتها

وبعدها بشويه مات والدها هو كمان وبقت يتيمه الام والاب

صداقه ناهد شريف للفنانه زبيده ثروت سهلت عليها دخول عالم الفن وكانت بدايتها مع فيلم (حبيب حياتى )

وكملت من بعد الفيلم دا وانهالت عليها العروض والأدوار لحد مابقت من أشهر النجمات والفنانات

اتجوزت ناهد شريف 3مرات

الزيجه الاولى من المخرج (حسين حلمى المهندس) وكان أكبر منها ب25سنه

والزيجه التانيه كانت من الفنان كمال الشناوى

اما الزيجه التالته كانت من شاب لبنانى الجنسيه ادوارد جرجيان واللى شافت معاه المر والعذاب وهو ابو بنتها الوحيده (باتريسيا)

كان ادوارد مدمن لعب قمار وخمور وكان لما يبقى معهوش فلوس كان بيستغل مرض ناهد اللى اتصابت بمرض سرطان الثدى لجمع مبالغ ماليه بحجه انه محتاج فلوس لعلاج ناهد لحد ماوصلها الموضوع دا وعرفت انه بيستغل مرضها وبقت مش طايقه العيشه معاه فاطلقت منه

رجعت ناهد شريف على مصر وكانت على الحديده وحالتها وحشه جدا بعد ماصرفت كل فلوسها على العلاج ومخدش وقف جنبها حزنت ان الكل بعد عنها

فاتصلت على طليقها كمال الشناوى اللى قدر يجيبلها قرار بالعلاج على نفقه الدوله بس الوقت كان متأخر وماتت ناهد شريف

وبنتها الوحيده كانت عايشه فى لبنان وكانت مةتعرفش مامتها ماتت امتى وادفنت فين

واصلا محدش كان مهتم بوفاتها او بدفنها

لحد مامر حوالى 38 سنه على وفاتها

جه جمال درويش اللى كان مهتم بانه يمشى ورا ذكرى ومكان كل فنان من نجوم الزمن الجميل

كان مره فى مقابر المجاورين كان بيسأل عن قبر الفنانه مديحه كامل كان دا طلب واحد من معجبينها طلبه من جمال عشان نفسه يزور قبرها ويقرالها الفاتحه فقابل بالصدفه تربى سأله عن قبر الفنانه مديحه قاله لا والله معرفش مكانه بس فى قبر هنا لواحده اسمها ناهد بيقولو انها فنانه برضه ولما وصله بالقبر دا لقى جمال درويش القبر مكتوب عليه اسمها الحقيقى (سميحه محمد زكى) ودا اللى خلى الناس ماتعرفش ان دى هى ناهد الشريف زى ماالكل عرفها بالاسم دا

هنا افتكر جمال ان كانت فى ست لبنانيه طلبت منه انه يدور لها على قبر ناهد الشريف فتواصل معها والست دى جات وزارت قبر ناهد الشريف وهيه بتبكى الست دى هى ابنتها (باتريسيا )اللى اول مره تعرف مكان قبر مامتها بعد مرور 38 سنه

القبر الذى اختفى 38 عاما

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى