ارتفاع ضغط الدم مع د. محمد جاد
🌷🌷 ارتفاع ضغط الدم 🌷🌷
👌#المرض_الصامت او القاتل الصامت لان في بعض الاحيان ملوش اعراض وبيكتشف بالصدفه مع قياس الضغط.
▪️مرض الضغط من الامراض المنتشرة جدااا ومعظمنا علي الاقل في فرد في الاسرة عنده الضغط. عشان كدا الموضوع دا مهم جدا. حابب اوضح بعض النقط المهمه جدااا:
🔥🔥 فكرة ان مرض الضغط بيجي لكبار السن فقط دي غير صحيحة. لانه ممكن يجي في اي سن، وانا شفت في عيادتي شباب كتير تحت ٣٠سنه للاسف عندهم الضغط.
🌷#اسبابه: معظم حالات الضغط ملهاش سبب واضح. ونسبة بسيطة ال بيكون الضغط ليه سبب معين زي ضيق الشريان الكلوي او بعض امراض القلب والغدة.
🌷#الاكثرعرضةللضغط: دي بعض الاسباب ال بتخليك معرض للضغط المرتفع. وكل مايكون عندك اكتر من سبب كل تكون عرضة اكتر:
▪️السمنة وزيادة الوزن.
▪️التوتر والضغط النفسي.
▪️تناول الملح والمخللات بكمية كبيرة.
▪️تاريخ عائلي لمرض الضغط.
▪️الاصابة بمرض السكر.
▪️بعض الادوية زي الكورتيزون وحبوب منع الحمل.
▪️امراض الغدة الدرقية.
▪️التدخين.
🌷#اعراضه: في بعض الاحيان ملوش اي اعراض والمريض بيتفاجئ ان ضغطه عالي. ودي بعض الاعراض الشائعة:
🔥🔥#الصداع: ودي نقطة مهمه لان للاسف معظم الناس ال بيجيلها صداع بياخد مسكنات وخلاص. من غير ما يتابع ضغطه. لو سمحت لو عندك صداع متكرر لازم تقيس ضغطك.
▪️الشعور بالارهاق والتعب.
▪️دوخة وزغلله.
▪️تورم بالقدمين.
▪️حدوث نزيف من الانف. ودا بيحصل لما الضغط يرفع جدا.
▪️الم في الصدر وضيق في التنفس.
🌷#مضاعفاته: ودي بتحصل لما يكون الضغط عالي لفترة طويله او المريض مهمل في العلاج والمتابعه:
▪️قصور وظايف الكلي وزلال بالبول.
▪️ضعف عضلة القلب وقصور بالشرايين.
▪️تأثر شبكية العين والرؤية.
▪️نزيف بالمخ خصوصا لو الضغط ارتفع جدا.
🌷#نصائح_عامة لمرضي الضغط او المعرض للضغط:
▪️خفض الوزن وممارسة الرياضة.
▪️تقليل استهلاك الملح والمخللات.
▪️الابتعاد عن التوتر والضغط النفسي قدر الامكان.
▪️الامتناع عن التدخين.
▪️الابتعاد عن بعض المشروبات زي عرق السوس. وتقليل الكافيين زي القهوة والشاي.
👌#واخيرآ :
📌لو انت مريض ضغط لازم تتابع ضغطك بصورة دورية مع الطبيب المعالج لان علاج الضغط بيحتاج تغيير او زيادة الجرعه من فترة للتانية.
📌لو انت معرض للاصابة بالضغط او عندك بعض اعراض الضغط ال قلتها. او حتي لو مبتشتكيش من حاجة لازم تقيس وتطمن علي ضغطك من فترة للتانيه.
🌴🌴دمتم بخير🌴🌴
………………………………….
