تورم القدمين مع د. محمد جاد

🌷🌷 تورم القدمين 🌷🌷
👌هنتكلم النهارده عن موضوع مهم جدا حصلنا او شفناه مع حد من قرايبنا وهو تورم القدمين. وهو عبارة عن تراكم السوائل في انسجة القدم والساق. حابب اوضح كام نقطة مهمه تخص الموضوع ده.

🌻🌻#اهم_معلومة: ان تورم القدمين ليس مرض بحد ذاته. لكنه انعكاس لمشكلة داخل الجسم ادت الي تراكم السوائل وحدوث التورم. وعشان كدا اكبر خطأ هو اعطاء ادوية مدرات البول لعلاج التورم بدون تشخيص وعلاج السبب.
▪️وانا شفت في العيادة بعض المرضي للاسف بياخد مدرات البول من نفسه او بالوصف من احد اقاربه ودا طبعا بيفوت وياخر علي المريض التشخيص والعلاج والسليم.

👈 #أهم_اسبابه:
▪️تليف وقصور وظايف الكبد. سواء كان نتيجة فيروس س. او اي سبب اخر ادي الي تليف الكبد.
▪️ضعف عضلة القلب او ضيق او ارجاع في الصمامات.
▪️قصور الكلي وزلال البول.
▪️قصور وخمول الغدة الدرقية.
▪️مرض السكر خصوصا لو السكر عالي ومش مظبوط.
▪️جلطات في اوردة الساقين؛ ودوالي الساقين.
▪️التهاب روماتيزمي في المفاصل.
▪️الادوية: زي بعض انوع ادوية الضغط وادوية الاكتئاب وحبوب منع الحمل وبعض الادوية الاخري.
🔹 بالاضافة الي بعض الاسباب البسيطة الغير مرضية زي:
الوقوف لفترات طويله، اثناء الحمل نتيجة ضغط الجنين علي اوردة الساقين.

👈#التشخيص_والعلاج: زي ما قلت قبل كدا وهي ان التورم مش مرض بحد ذاته انما انعكاس لمرض اخر. عشان كدا التسرع في اعطاء مدرات البول قبل تشخيص السبب خطأ كبير.
بعد تشخيص السبب بالتحاليل والفحوصات اللازمة عن طريق الطبيب المختص بنبدأ بعلاج السبب. بالاضافة الي مدرات البول في بعض الحالات والامتناع عن تناول الملح والمريض بيتحسن جدا.
🌴🌴دمتم بخير🌴🌴
……………………………….