ابنك بيشوف من امتى؟ مع د. محمد أمين جاد
ابنك بيشوف من أمتي ؟ 🤔👁️🗨️👀
👈مراحل تطور حاسة النظر عند الرضع 👀👀👀
🍄 الشهر الأول من عمر الطفل 🍄
📌 طفلك بيقدر يشوف. بس مش بيفهم اللى بيشوفه لأن مركز الترجمة فى المخ بيكون غير ناضج.
📌 الطفل فى البداية بتكون الرؤية عنده أبيض و أسود ومش بيقدر يشوف إلا من مسافة قريبة وأقصي مسافة ممكن يشوفها هي المسافة بينك وبينه وإنتى بترضعيه تقريبا من ٢٠ الى ٣٠ سم.
📌 على الجانبين بتكون الرؤية أفضل من الرؤية فى المنتصف.
📌 الطفل ممكن يرمش فى الضوء العالى أو عند لمس عينه.
🍄 من عمر شهرين ل أربع شهور 🍄
👁️🗨️ طفلك فى البداية بيقدر يحرك عينه ورأسه مع بعض عشان يشوف حاجه بتتحرك قدامه من يمينه أو شماله ولكن مش بيقدر يتابعها لحد ما توصل للناحية التانية.
👁️🗨️ ولكن فى آخر المرحلة دي بيكون قدر إنه يحرك عينه يمين وشمال وفوق وتحت. بس من غير ما يحرك رأسه عشان يتابع الحاجه اللى بتتحرك.
👁️🗨️ عينه بتكون حساسه للضوء أكتر
👁️🗨️ بيقدر يشوف إيده ويبدأ يمصها
🍄 من عمر ٥ إلى ٨ شهور 🍄
🌠 يقدر يشوف إيد ورجله ويمصمصهم الاتنين.
🌠 يقدر يتابع الألعاب بتاعته وهي بتتحرك.
🌠 يبقى فيه تناسق بين حركة إيديه وعينيه
✅ أول ٥ شهور من عمر طفلك.
🎯 ممكن تشوفي حول في عيون الطفل لفترات قصيرة و دا طبيعي في السن دا لإن عضلات العين بتبقى ضعيفة والموضوع دا بيتصلح من سن ٥ : ٨ شهور
🎯 طفلك بيشوف الحاجة ثنائية الأبعاد يعنى مسطحة. بس من بعد الشهر الخامس بيبدأ يشوف أى حاجة ثلاثية الأبعاد ويقدر يحدد الحاجة بعيدة عنه ولا قريبة منه والقدره على رؤية الألوان بتتحسن.
🍄 من عمر ٩ شهور ل عمر السنة 🍄
🙈 طفلك بيقدر يتفرج على صور ملونة ويقدر يميز الأشياء الصغيره على الأرض.
🙈 كمان بيقدر يتعرف على الناس كويس حتى لو شافهم من مسافة وكمان يقدر يقدر المسافات كويس.
🙈 طفلك فى المرحلة دى بيكون خلاص بدأ يشوف زيك بالضبط وكمان الألوان بقت واضحة تماما بالنسبة له عشان كدا بيعرف كل حاجه في البيت من ناحية الشكل.
➖➖➖➖➖
