النزلة المعوية مع د. محمد أمين جاد

👶 النزلات المعوية عند الأطفال 👩‍👧‍👦
👈بتكون نتيجة عدوى بكتيرية🦠 أو فيروسية🧬 أو بعض الطفيليات🧫 التى تصيب أمعاء الطفل.

🤔إزاى بتحصل العدوى⁉️
👈👈تحدث عن طريق الفم😮سواء أن الطفل تناول طعام🍔أو شراب ملوث🍹، أو من خلال إستخدام أدوات شخصية لشخص مصاب أو عن طريق وضع الطفل ليده👐الملوثة في فمه

👈أعراض النزلة المعوية⁉️
✅ اسهال وهو عدد مرات الحمام بتكون أكثر من طبيعة الطفل ويكون قوام البراز لين أو سائل (ممكن الإسهال يكون فيه دم ودى علامة خطورة)
✅الشعور بالغثيان
✅فقدان للشهية
✅ترجيع مع تقلصات بالبطن
✅ارتفاع في الحرارة
✅وأخطر حاجة في هذه النزلات هي الجفاف الذي يمكن أن يتعرض له الطفل نتيجة فقدان السوائل من الترجيع والإسهال

⛔أعراض الجفاف عند الأطفال
(▪️قلة التبول ▪️عدم إفراز دموع أثناء البكاء ▪️جفاف الجلد والفم واللسان ▪️الصداع ▪️همدان شديد أو قريفة بإستمرار ▪️ضعف وقلة الرضاعة فى الرضع ▪️العين تكون غائرة أو داخلة لجوة.)

⚕️⚕️العلاج🩺
✅✅أهم جزء فى العلاج إننا نحاول نوقف الترجيع ونعوض اللى فقدة الطفل فى الترجيع والأسهال.
✅ودا طبعا لحد ما نروح لدكتور أطفالك لتقييم الطفل وإعطاءة العلاج المناسب لحالة الطفل وهل هيحتاج محاليل عن طريق الوريد أم لا. كمان أكل الطفل أية اللى ينفع وأية اللى ممنوع؟

👈طب هنعوض الأسهال والترجيع إزاى بندى محلول الجفاف أو الارواء بالفم سواء الأكياس اللى بتتحل على ٢٠٠سم ماء أو إعطاء محلول جفاف جاهز التحضير. وندي سوائل وعصائر بيتى ومنزودش السكريات. وكمان بالنسبة للرضع بنزود عدد مرات الرضاعة.

⛔ خلي بالك الترجيع ممكن يدخل الطفل في جفاف بشكل اسرع من الاسهال. عشان كدا لو طفلك معاة ترجيع لازم تستشيرى دكتور طفلك فورا عشان ياخد حاجة توقف الترجيع وهو اللى بيحدد الجرعة على حسب وزنة وعمرة لحد ما تروحيلة.

🤔طرق الوقاية من النزلات المعوية عند الأطفال⁉️
✅ غسيل الإيدي جيدا بالماء والصابون خاصة بعد استخدام المرحاض وقبل الاكل.
✅ الغسيل الجيد للفاكهة والخضروات قبل أكلها.
✅ عدم أكل الاطعمه المكشوفة أو الأكل خارج المنزل.
✅ الحرص على إعطاء الطفل تطعيمات. اللازمة وإستكمالها.
✅ الطهى الجيد للطعام وتخزينة بالطرق الصحيحة لتجنب أى تلوث.
✅ التأكد من سلامة مصدر المياه المستخدمة للشرب.
➖➖➖➖➖➖