هات البتاع ده معاك.. حاضر .
جبت البتاع .. أيوه معايا أهو.
خد البتاعة ديه معاك.
البتاع … أشهر كلمة مصرية، كلنا تقريبا بنقولها طول اليوم، واحنا فهمين ايه هو البتاع، بس برضه منعرفش يعنى إيه معنى البتاع.
الله حلوة الفزورة ديه، الكلمة من كتر ما المصريين بيستخدموها فى مستشرق هولاندى، إسمة رينهارت دوزى، كان مهتم باللغة العربية ومعانيها، وكمان كان مألف كتب عن المعاجم العربية بعنوان تكملة المعاجم العربية، صاحبنا رينهارت ده أو ما سمع البتاع، مبقاش عارف يعنى إيه البتاع اللى كل الناس عارفاه إلا هو..
قعد يفحص ويتمحص ويبحث ويدور، لحد ما توصل إلى السر الرهيب.
سر البتاع، وأصل كلمة البتاع فى اللغة العربية هى متاع، أيوه متاع يعنى ممتلكات، واحنا عشان مصريين، والمصري معروف بجبروته، حرفناها وخلينا المتاع بتاع، بس كده يا سيدى.
