أين أختفي أشهر طفل فى السينما المصرية

بص يا سيدى، طبعا كلنا عارفين عاطف الطفل اللمض فى فيلم الحفيد، إبن عبد المنعم مدبولى وكريمة مختار، واخو ميرفت أمين وناهد جبر، وطبعا عاطف فى الفترة ديه كان واحد من اشهر اطفال السينما المصرية عموما إن لم يكن أشهرهم.

طيب عاطف ده يبقى مين وأختفى فين الفترة ديه، وأسمه الحقيقي إيه، تعالى نعرف القصة والحكاية.

اللى فى الصورة ده هو عاطف دلوقتي بس بعد ما بقى عنده 55 سنة.

أسمه الحقيقي مدحت جمال حاليا عنده 4 أولاد وبنات الكبيرةفيهم انسة عمرها 24 سنة واصغرهم أولاده عنده 7 سنين.

عاطف أو مدحت بدأ حياته ومشواره مه الفن بدور فى مسرحية موسيقى فى الحى الشرقى، مع كل من الفنان سمير غانم والفنان جورج سيدهم، وكانوا ساعتها طالبين أطفال تشارك فى المسرحية من خلال مسابقة مسابقة، وعشان عاطف او مدحت كان لمض ومحبوب ومميز وصل بالفع للتصفية النهائية ووقع عليه الاختيار مع عدد 8 أطفال أخرين عشان يشاركوا فى المسرحية.

خلال أداء دوره فى المسرحية، بدأت الافلام تيجى لمدحت، وأشتغل فى أكتر من عمل واكتر من فيلم، لحد ما دخل تانية ثانوى، إكتشف ساعتها عاطف إنه مش عارف يوفق بين الاتنين الدراسة والتمثيل، عشان كده ساب التمثيل، وبدء يركز فى دراسته لانه كان بيحلم يكون دكتور كبير بعد ما يدخل الطب.

لكن مجموعه فرق معاه ومقدرش يجيب مجموع كلية الطب، وفرقت معاه على حاجات بسيطة.

ودخل مدحت كلية التجارة، وقعد 4 سنين ولما خلص الكلية سافر لأمريكا، وهناك بدء فى دراسة علوم الكمبيوتر، وراح الكويت اشتغل فترة طويلة.
وحاليا رجع مصر ماشى فى مسيرته المهنية استشارى ومهندس برمجيات.