كبدة وقلب وكلاوي، لو على اللحمة ناوى
طريقة عمل الكبدة والقلب والكلاوى
كبدة وقلب وكلاوي بطريقة روعة بالطماطم وكمان الفلفل الاخضر وشرايح البصل والبطاطس.
المكونات اللى هنحتاجها:-
نصف كيلو كجم كبدة ويفضل أن تكون بتلو مع كلاوى والقلب بتلو برضه
عدد 2 حبة طماطم ناشفة أو جامدة
بصلة متوسطة الحجم
عدد 2 حبة فلفل رومي أخضر
واحد حبة بطاطس
عدد 2 فص ثوم مفروم وعصير ٢ ليمونة
والتوابل كمون وجنزبيل وملح وفلفل أسود وملعقة زيت
هنبدأ ونقطع لشرايح رفيعة زى الشاورما كده.
وهنتبلها بعصير الليمون والكمون والجنزبيل البودرة،
وهنبشر البطاطس لاصابع رفيعة جدا، ونقوم بقليها فى الزيت، ونصفيها على مناديل ورقيه.
هنقطع البصلة والفلفل والطماطم لشرايح رفيعة، وفى طاسة كبيرة نحط الزيت أوالسمن ولما تسخن نحط فيها شرايح البصل أولا حتى تحمر قليلا. وبعدين ننزل بالكبدة والقلب والكلاوى وتستمر فى التقليب حتى تتشرب السوائل كلها، وبعدها نضيف الطماطم والبطاطس والفلفل الاخضر والملح والفلفل والثوم.
واتركها على النار مدة 5 دقائق تقريبا ثم يتم الرفع من النار وتغرف فى طبق التقديم.
ممكن تزين حسب الرغبة بقليل من البقدونس المفروم أو البصل الأخضر ومع سلطة طحينة وأرز أبيض أو حتى الخبز، سمى الله وأبدء مع كل حبايبك وبصحة وعافية.
