مسألتش نفسك ولا مرة ليه فى الأفلام والمسلسلات لما بيتكلموا عن فترة بدايات القرن الماضي، وحد يمسك عملة معدنية قرش أو ريال أو نص فرانك أو أى عملة فضية يمسكه ويحطه فى بقه ( أيوه بقه خلينا بلدى شوية ) ويحاول يتنيه، طيب إيه السبب.
الموضوع يا جماعه ببساطة أن زمان برضه كان فى تزوير للعملة أيوه زمبقلك كده.
وكانوا بيغشوا العملة الفضية ذات القيمة العالية جدا فى تلك الفترة بالرصاص أو القصدير وبكده تبقى سهلة الثنى، وديه بقى تبقى العملة البرانى، أو القرش البرانى.