أسكت بقى منك له، مش إحنا طلعنا كلنا لسانا طويل، أيوه وبنشتم بعض من غير ما نعرف، بس بالهيروغليفى.
الحكاية يا صديقي باختصار، إن فى كلمات هتفاجئك لما تكمل معنا الموضوع، وتعرف انت قد إيه شتمت واتشمت، من غير متحس.
كلمة عبيط اللى بنقولها ليل نهار ايه معناها، الكلمة بالهيروغليفى ليها جزئين، الأول عا ومعناها حمار والتانى بيت يعنى شخصية، والاتنين مع بعض عا بيت يعنى شخصية حمار أو شخص حمار.
الكلمة التانية بقى مفاجأه، لما حد تعرفه يجى يعمل حاجة وانت عارف إنه مش هيعملها وأنه بيفتى أو بيهرج، على طول بتقوله إتوكس أو بس يا موكوس، وأصل الكلمة بالهيروغليفى برضة من تى أوكوس، وتى هنا معنا روح أو أعطى، وكلمة أوكوس معناها الدفن، يعنى باختصار كده لما بتقوله يا موكوس يعنى روح إدفن نفسك.
كل اللى فات ده حمادة، بس حمادة بالهيروغليفى، واللى جاى ده حمادة تانى خالص بس باللغة القبطية، تخيل كده لما بتقول لحد يا أبن الإيه، واللى إحنا ليل نهار بنقولها على طول برضة ديه طلعت شتيمة، عشان الإيه ديه معناها البقرة، يعنى لما بتقول لحد يا إبن الإيه، كده إنت بتقوله يا إبن البق….
لا يا عم انا ماليش دعوة انت اللى قولت.
الله يسامحك
تابعونا على موقعكم الحدث ٢٤
