الإخوة الأعداء رمزى ورشدى والشريف

العلاقة بين الإخوة الأعداء أحمد رمزي ورشدي أباظة وعمر الشريف

السر بين أحمد رمزي ورشدى أباظة وعمر الشريف

كنت تعرف إن أحمد رمزى كان أعز أصحابه هما عمر الشريف ورشدى أباظة.

بس للاسف رشدى والشريف هما الاتنين مكانش بينهم أى إستلطاف، بالعكس كانو مبيطقوش بعض، ومع كده كان بيجمعهم عامل مشترك وهو صداقتهم وحبهم لأحمد رمزى.

على هذا الحال إستمروا الإخوة الأعداء

فضلوا ع الحال ده فترة وكان أحمد رمزى عامل مشترك فى نجاح أفلام كل من رشدى أباظة وعمر الشريف، زى فيلم صرع فى الوادي، وتمر حنة، لحد ما جمع الاتنين بس فيلم مع بعض وهو صراع فى النيل.

قعدت النفسنة مستمرة، لحد ما عمر الشريف إتجه لهوليوود، وبكده مفضلش غير التوأم المشاغب رمزى ورشدى ليل نهار مع بعض، وكان هزارهم دايما تقيل، للدرجة اللى كانوا لازم كل يوم وهما بيحاسبوا على المشاريب، خلال سهرتهم فى شارع عماد بك، يدفعوا كمان تمن الحاجات اللى كسروها من كوبايات وكراسي وترابيزات، وفى يوم موضوع الهزار التقيل بالايدين زاد بينهم، للدرجة اللى واحد من الناس اللى فى الصالة طلبلهم البوليس، اللى بالفعل جه وخدهم.

وفضلت القصة والصداقة بينهم مستمرة لحد ما فجأة مات رشدى أباظة وزعل عليه رمزى وبكى صديق عمره.