البطاطس باللحمة المفرومة أسهل طريقة لعمل
اكلات سريعة وبسيطة
أولًا المكونات واحد كجم بطاطس ربع كيلو لحمة مفرومة وبصلة مفرومة ثوم وملح وفلفل اسود وبهارات وحبهان وزيت او سمن للتحمير بالاضافة الى
كوب من عصير الطماطم
٢ ملعقة معجون طماطم
فلفل رومى حامى حسب رغبتك
ثانيًا طريقة تحضير البطاطس
قومى بتعصيج اللحمة، واحضرى طاسة ضعى بها القليل من الزيت أو السمن حسب رغبتك،
وضعى فيها البصل المفروم والثوم والفلفل الرومى المقطع إلى قطع صغيرة، وانتظرى حتى يتغير لون البصل بعدها قومى بإضافة اللحمة،
وضيفى لها ملح وفلفل أسود وبهارات وحبهان و جوزة الطيب، وانتظرى حتى تنزل سوائلها وتتشربها وتنضج جيدًا.
قومى بتقشير البطاطس وتقويرهها وتقطيعها نصفين متساويين
فى طاسة متوسطة الحجم، ضعى الزيت وقومى بتحمير البطاطس نصف تحميرة حتى يتغير لونها فقط.
احضرى صينية وضعى فيها انصاف البطاطس ، وضعى من فوقها اللحمة المفرومة المعصقة، مع شرائح طماطم وفلفل بارد او حار ( حسب اختيارك)
ضيفي كوب عصير الطماطم الممزوجة بمعجون الطماطم البطاطس، وضيفى لها ربع كوب من الماء.
اضبطى درجة حرارة الفرن على 180 درجة مئوية، وضعى صينية البطاطس حتى تنضج جيدًا ويحمر وجهها وبالف هنا وشفا
